BAKI,VOA, Fərid Mikayılov

ABŞ və İran arasında davam edən gərginlik fonunda diplomatik proses çətin mərhələyə daxil olub.

VOA xəbər verir ki, Abbas Əraqçi Rusiyaya səfər edərək Vladimir Putin ilə görüşmək üçün Moskva şəhərinə yollanıb.

Səfərin Tehranın mövqeyinə beynəlxalq dəstək qazanmaq məqsədi daşıdığı bildirilir.

Məlumata görə, tərəflər arasında aparılan sülh danışıqları dalana dirənib. Əsas mübahisə mövzuları İranın nüvə proqramı və Hörmüz boğazı üzərindən nəqliyyatın bərpası ilə bağlıdır.

ABŞ prezidenti Donald Tramp bildirib ki, İran nüvə silahına malik ola bilməz və bu məsələ mümkün razılaşmanın əsas şərtidir. Tehran isə uranın zənginləşdirilməsinin yalnız dinc məqsədlər üçün nəzərdə tutulduğunu vurğulayır.

Məlumatlara əsasən, münaqişə səbəbindən Hörmüz boğazında gəmiçilik məhdudlaşıb ki, bu da qlobal neft qiymətlərinə və iqtisadi bazarlara təsir göstərib.