BAKI,VOA Nailə Babazadə

Son 72 saat ərzində aparılan peyk müşahidələrinə görə, İrana məxsus 52 gəmi ABŞ ordusunun yaratdığı dəniz blokadası xəttini keçərək hərəkət edib.

VOA xəbər verir ki, Fars Xəbər Agentliyinin dünən gecə yerel saatla 22:00-a qədər olan məlumatlarına istinadən bildirdiyinə görə, bu gəmilərdən 31-i neft tankeri, 21-i isə müxtəlif yük gəmiləridir. Eyni zamanda, strateji Hörmüz boğazından keçən cəmi 30 gəmidən 11-nin (6 neft tankeri və 5 yük gəmisinin) birbaşa İrana aid olduğu qeydə alınıb.

Xatırladaq ki, İran İnqilab Keşikçiləri Korpusu (SEPAH) fevralın 28-də baş verən ABŞ-İsrail hücumlarından sonra, 2 mart tarixindən etibarən Hörmüz boğazını rəsmən bağladığını elan etmişdi. Buna cavab olaraq, Pakistanın vasitəçiliyi ilə keçirilən danışıqların uğursuzluqla nəticələnməsindən sonra ABŞ Prezidenti Donald Trampın göstərişi ilə 13 apreldə İran limanlarına giriş-çıxış edən bütün gəmilərə qarşı hərbi blokada tətbiq edilməyə başlanmışdı. Bu son rəqəmlər göstərir ki, dənizdəki hərbi gərginliyə baxmayaraq, ticarət dövriyyəsi hələ də davam edir.