Hörmüz boğazında gəmi hərəkəti yayda bərpa olunacaq - ABŞ
ABŞ Energetika naziri Kris Rayt Hörmüz boğazında gəmi hərəkətinin yaxın aylarda tam bərpa olunacağını açıqlayıb. Nazirin sözlərinə görə, boğazdakı gəmi hərəkəti mümkün olan ən qısa zamanda, ən gec isə yay aylarında yenidən tam fəaliyyətə başlayacaq.
ABŞ Hörmüz boğazında gəmilərin təhlükəsizliyi üçün beynəlxalq koalisiya qurur
Donald Tramp administrasiyası İranla gərginliyin davam etdiyi bir şəraitdə Hürmüz boğazında dəniz nəqliyyatını yenidən canlandırmaq üçün beynəlxalq koalisiya formalaşdırmağa başlayıb. ABŞ Dövlət Departamentinin rəsmisi Hürmüz boğazı ilə bağlı yeni koalisiya cəhdləri barədə yayılan xəbərləri təsdiqləyib. "Wall Street Journal" (WSJ) qəzetinin ilk olaraq paylaşdığı məlumata görə, yeni yaradılan "Dəniz Yolu Azadlığı Bölməsi" (MFC) gəmilərin bu sulardan təhlükəsiz keçidini təmin etmək üçün fəaliyyət göstərəcək. Qurum real vaxt rejimində məlumat mübadiləsi, təhlükəsizlik təlimatları və koordinasiya işlərini həyata keçirəcək.
ABŞ və İsrailin danışıqlar zamanı hücum etməsi etibarı tamamilə sarsıdıb - Pezeşkian
İran Prezidenti Məsud Pezeşkian ölkəsinin əvvəlki danışıqlar prosesində ABŞ və İsrailin hücumlarına məruz qaldığını xatırladaraq, bənzər cəhdlərin təkrarlanma ehtimalının hələ də qaldığını bildirib. "Fars" xəbər agentliyinin məlumatına görə, İran Prezidenti Məsud Pezeşkian ilə Belarus Prezidenti Aleksandr Lukaşenko arasında telefon danışığı baş tutub. Regional məsələlərin və ikitərəfli əlaqələrin müzakirə edildiyi görüşdə Pezeşkian rəsmi Tehranın münaqişələri dialoq və diplomatiya yolu ilə həll etmək tərəfdarı olduğunu vurğulayıb. Lakin o, acı təcrübəni də diqqətə çatdırıb: "İran məsuliyyət hissi çərçivəsində ixtilafları hər zaman diplomatiya yolu ilə həll etməyə çalışıb. Lakin danışıqlar getdiyi bir vaxtda ABŞ və İsrail iki dəfə İrana hücum etdi. Belə bir addımın yenidən atılma ehtimalı var".
ABŞ ələ keçirdiyi İran gəmisindəki işçiləri azad edib - 6 heyət üzvü ölkəsinə qayıdıb
ABŞ Hərbi Dəniz Qüvvələri tərəfindən aprelin 19-da ələ keçirilən İrana məxsus "Touska" yük gəmisinin heyət üzvlərindən 6 nəfərinin sərbəst buraxıldığı bildirilib. İranın rəsmi "Tasnim" xəbər agentliyinə danışan adı açıqlanmayan rəsmi nümayəndə, gəmidə olan 28 heyət üzvündən 6-sının artıq azad edilərək İrana qayıtdığını təsdiqləyib. O, yerdə qalan 22 nəfərin də sərbəst buraxılması üçün diplomatik səylərin və rəsmi cəhdlərin davam etdiyini qeyd edib.
Dəniz blokadası İranla nüvə razılaşması əldə olunana qədər davam edəcək - Tramp
ABŞ Prezidenti Donald Tramp "Axios" xəbər platformasına verdiyi müsahibədə İranın nüvə proqramı ilə bağlı Vaşinqtonun narahatlıqlarını tam şəkildə aradan qaldıran bir razılaşma imzalanana qədər bu ölkəyə qarşı tətbiq edilən dəniz blokadasının davam edəcəyini bildirib. Prezident Tramp Tehranın "əvvəlcə Hörmüz boğazı açılsın, nüvə razılaşması isə sonraya qalsın" şəklindəki son təklifini qəti şəkildə rədd etdiklərini vurğulayıb. O, İran tərəfinin iqtisadi vəziyyətə görə razılığa gəlmək istədiyini, lakin nüvə silahı təhlükəsi aradan qalxmadan blokadanın qaldırılmayacağını qeyd edib.
Düşmən ölkəni daxildən çökdürməyi hədəfləyən yeni bir mərhələyə qədəm qoyub - İran
İran İslam Şurası Məclisinin sədri Məhəmməd Baqir Qalibaf ABŞ və İsrailin ölkəni daxildən zəiflətmək üçün yeni bir mərhələyə keçdiyini bildirib. Rəsmi IRNA agentliyinin məlumatına görə, Qalibaf bu strategiyanın dörd əsas istiqamət üzərində qurulduğunu vurğulayıb: dəniz blokadası, mediya vasitəsilə aparılan təbliğat, iqtisadi təzyiqlər və cəmiyyət daxilində nifaq salmaq cəhdləri.
Tramp İrana qarşı uzunmüddətli blokadaya hazırlıq əmri verib - WSJ
ABŞ Prezidenti Donald Trampın İranın limanlarına qarşı tətbiq edilən dəniz blokadasının müddətini uzatmaq barədə məsləhətçilərinə tapşırıq verməsi həm regional hərbi gərginliyi, həm də qlobal enerji bazarlarını yeni mərhələyə daşıyıb. "Wall Street Journal"ın (WSJ) ABŞ rəsmilərinə istinadən yaydığı məlumata görə, Tramp bu addımla Tehranı nüvə proqramında ciddi güzəştlərə məcbur etmək və ölkənin iqtisadi resurslarını tamamilə tükəndirmək niyyətindədir.
72 saat ərzində 52 İran gəmisi ABŞ blokadasını keçib - İran
Son 72 saat ərzində aparılan peyk müşahidələrinə görə, İrana məxsus 52 gəmi ABŞ ordusunun yaratdığı dəniz blokadası xəttini keçərək hərəkət edib. Fars Xəbər Agentliyinin dünən gecə yerel saatla 22:00-a qədər olan məlumatlarına istinadən bildirdiyinə görə, bu gəmilərdən 31-i neft tankeri, 21-i isə müxtəlif yük gəmiləridir. Eyni zamanda, strateji Hörmüz boğazından keçən cəmi 30 gəmidən 11-nin (6 neft tankeri və 5 yük gəmisinin) birbaşa İrana aid olduğu qeydə alınıb.
Tramp İrandan Hörmüz boğazı ilə bağlı müraciət aldığını açıqlayıb
ABŞ Prezidenti Donald Tramp sosial media hesabı vasitəsilə İranla davam edən danışıqların pərdəarxası məqamlarını paylaşıb. Trampın iddiasına görə, İran rəhbərliyi ölkədəki sistemin çökmə təhlükəsi ilə üz-üzə olduğunu etiraf edərək, ABŞ-dan Hörmüz boğazındakı dəniz blokadasını ən qısa zamanda qaldırmağı xahiş edib.
Tramp İranın çökmək üzrə olduğunu iddia etdi
ABŞ Prezidenti Donald Tramp sosial media hesabı vasitəsilə İranla bağlı dünya gündəmini sarsıdan bir iddia irəli sürüb. Trampın bəyanatına görə, Tehran rəhbərliyi artıq daxili və xarici təzyiqlərə tab gətirə bilmir və rəsmi şəkildə ABŞ-a ölkənin hazırda "çöküş mərhələsində" olduğunu bildirib.
ABŞ beynəlxalq siyasəti diktə etmək iqtidarında deyil - İran
28 aprel 2026-cı ildə Bişkekdə keçirilən Şanxay Əməkdaşlıq Təşkilatının iclasında iştirak edən İranın Müdafiə nazirinin müavini Rza Təlayi Nik beynəlxalq münasibətlərdə güc balansının dəyişdiyini bəyan edib. O, ABŞ-ın dünya siyasətini təkbaşına diktə etmək qabiliyyətini itirdiyini və Vaşinqtonun qeyri-qanuni tələblərindən vaz keçmək məcburiyyətində olduğunu vurğulayıb.
Bəhreyn İranın düşmənçilik aktlarını dəstəkləyən 69 nəfəri vətəndaşlıqdan çıxarıb
Bəhreyn krallığında milli təhlükəsizliyin qorunması və xarici təhdidlərin daxili dəstəkçilərinə qarşı mübarizə məqsədilə kəskin hüquqi addımlar atılıb. Hakimiyyət orqanları İranın Bəhreynə qarşı həyata keçirdiyi düşmənçilik hərəkətlərini təqdir edən və bu aktlara rəğbət bəsləyən şəxsləri vətəndaşlıqdan məhrum etməyə başlayıb. Kralın birbaşa göstərişinə əsasən, İranın cinayət xarakterli fəaliyyətlərini tərifləyən, əslən Bəhreyn mənşəli olmayan 69 nəfərin vətəndaşlığı dərhal ləğv edilib.
