BAKI,VOA Nailə Babazadə
İran İslam Şurası Məclisinin sədri Məhəmməd Baqir Qalibaf ABŞ və İsrailin ölkəni daxildən zəiflətmək üçün yeni bir mərhələyə keçdiyini bildirib.
VOA xəbər verir ki, rəsmi IRNA agentliyinin məlumatına görə, Qalibaf bu strategiyanın dörd əsas istiqamət üzərində qurulduğunu vurğulayıb: dəniz blokadası, mediya vasitəsilə aparılan təbliğat, iqtisadi təzyiqlər və cəmiyyət daxilində nifaq salmaq cəhdləri.
Qalibaf xüsusilə vurğulayıb ki, ABŞ Prezidenti Donald Trampın İran xalqını müxtəlif siyasi qütblərə ayırmaq cəhdləri ölkəni təslim etməyə yönəlib. Məclis sədrinin sözlərinə görə, bu planlara qarşı ən güclü silah xalqın yeni rəhbər Müctəba Xameneyi ətrafında sıx birləşməsidir. O, hərbi və siyasi rəsmilərin tam həmrəylik içində olduğunu qeyd edərək, daxili birliyi pozan hər bir hərəkətin birbaşa düşmən planlarının tərkib hissəsi olduğunu bildirib.
