BAKI,VOA Nailə Babazadə
ABŞ Prezidenti Donald Tramp sosial media hesabı vasitəsilə İranla davam edən danışıqların pərdəarxası məqamlarını paylaşıb.
VOA xəbər verir ki,Trampın iddiasına görə, İran rəhbərliyi ölkədəki sistemin çökmə təhlükəsi ilə üz-üzə olduğunu etiraf edərək, ABŞ-dan Hörmüz boğazındakı dəniz blokadasını ən qısa zamanda qaldırmağı xahiş edib.
Bu gərginlik fevralın 28-də ABŞ və İsrailin birgə hücumları ilə başlayan müharibədən sonra İranın Hörmüz boğazını bağlaması ilə pik həddə çatmışdı. Boğazın bağlanması qlobal neft qiymətlərinin 65% artmasına səbəb olmuşdu. Aprelin 13-də isə Donald Tramp İranın dəniz ticarətinə qarşı blokada tətbiq etmək qərarı verərək bölgəyə daxil olan və çıxan İran gəmilərinə müdaxilə etməyə başlamışdı. Hazırda tərəflər arasında həm dənizdə gəmilərin ələ keçirilməsi ilə müşayiət olunan hərbi qarşıdurma, həm də diplomatik təzyiq prosesi davam edir.
