BAKI,VOA, Fərid Mikayılov
İran parlamentinin Milli Təhlükəsizlik və Xarici Siyasət Komissiyasının sözçüsü İbrahim Rızai ölkəsinin yenidən hücuma məruz qalacağı təqdirdə uranı 90 faiz zənginləşdirmə variantını nəzərdən keçirə biləcəyini bildirib.
VOA xəbər verir ki, Rızai sosial şəbəkə hesabında paylaşdığı açıqlamada bu məsələnin parlamentdə müzakirəyə çıxarıla biləcəyini qeyd edib.
Bildirilib ki, 90 faiz saflıq səviyyəsində zənginləşdirilmiş uran nüvə silahı istehsalı üçün istifadə edilən hədd hesab olunur.
Qeyd edək ki, son aylarda İranın nüvə proqramı və Vaşinqton-Tehran münasibətləri ətrafında beynəlxalq gərginlik yenidən artıb.
