BAKI,VOA Yusif Şərifzadə
Çin və Qloballaşma Mərkəzinin prezidenti Henri Vanq bildirib ki, Pekin ABŞ-İran münaqişəsinin sona çatdırılmasına kömək etmək üçün vasitəçi rolunu oynaya bilər.
VOA xəbər verir ki, açıqlamasında Henri Vanq qeyd edib ki, Çinin neft tələbatının 40 faizinin keçdiyi Hörmüz boğazındakı ciddi məhdudiyyətlərin aradan qaldırılması “həm ABŞ, həm də Çinin maraqlarına uyğundur”. Lakin, o, müharibənin dayandırılması və ədalətli nəticənin əldə edilməsi zərurətinə də diqqət çəkib.
Vanq, həm ABŞ, həm də İranın münaqişədən yorulduqlarını vurğulayıb, lakin tərəflərin vəziyyətdən “üzlərini qoruyaraq çıxmaları üçün bir pilləkənə” ehtiyac duyduqlarını bildirib.
O, Çin tərəfindən təqdim edilən həll yollarının münaqişənin başa çatdırılması üçün mühüm vasitə olacağına əmin olduğunu bildirib.
