BAKI,VOA,Yusif Şərifzadə
İranın ali dini liderinin müşaviri Möhsün Rzayi ABŞ-ı Hörmüz boğazı ilə bağlı anlaşma memorandumunun müddəalarını pozmaqda ittiham edib və sərt cavab veriləcəyini bildirib.
VOA xəbər verir ki, Möhsün Rzayi bu barədə “X” sosial şəbəkəsində paylaşım edib.
O, ABŞ-ın Hörmüz boğazında gərginlik yaratmaqla memorandumun beşinci maddəsini pozduğunu iddia edib.
Rzayinin sözlərinə görə, həmin maddə ticarət gəmilərinin təhlükəsiz keçidinin bərpasını nəzərdə tutur və İran ilə Oman arasında boğazın gələcək idarəetməsi və dəniz xidmətlərinin təşkili ilə bağlı danışıqları ehtiva edir.
O bildirib ki, razılaşmanın hər hansı bəndinin pozulmasına cavab “sürətli və qəti” olacaq.
