İrana tətbiq olunan bəzi maliyyə məhdudiyyətləri yumşaldılıb - Məsud Pezeşkian

İran Prezidenti Məsud Pezeşkian bəzi maliyyə və valyuta məhdudiyyətlərinin yumşaldıldığını açıqlayıb. Onun sözlərinə görə, son razılaşmalar nəticəsində neft ixracı davam edir və iqtisadi əməkdaşlıq üçün yeni imkanlar yaranır. Pezeşkian bu dəyişikliklərin ölkə iqtisadiyyatına müsbət təsir göstərə biləcəyini bildirib. Bu il ABŞ–İsrail müharibəsi fonunda İran rialı ABŞ dolları qarşısında rekord dərəcədə ucuzlaşmışdı. İran 2018-ci ildən bəri ABŞ sanksiyalarının təsiri altında fəaliyyət göstərir. Donald Tramp həmin il nüvə sazişindən çıxaraq Tehrana qarşı yeni sanksiyalar tətbiq etmişdi. Hazırda ABŞ ilə İran arasında diplomatik təmaslar davam edir.

1 İyul 2026 19:01

BAKI,VOA,Yusif Şərifzadə

İran Prezidenti Məsud Pezeşkian bildirib ki, ölkəyə tətbiq olunan bəzi maliyyə və valyuta məhdudiyyətləri yumşaldılıb.

VOA xəbər verir ki, bu barədə yarırrəsmi Fars agentliyi məlumat yayıb.

Məsud Pezeşkianın sözlərinə görə, son razılaşmaların nəticəsi olaraq İran neftinin ixracı davam edir, bəzi maliyyə və valyuta məhdudiyyətləri aradan qaldırılır, həmçinin iqtisadi əməkdaşlıq üçün yeni imkanlar yaranır.

Prezident bildirib ki, bu dəyişikliklər ölkənin iqtisadi vəziyyətinə müsbət təsir göstərə bilər.

Qeyd edək ki, bu il ABŞ–İsrail müharibəsi və ölkədəki gərginlik fonunda İran rialı ABŞ dolları qarşısında tarixinin ən aşağı səviyyəsinə enmişdi.

2018-ci ildə ABŞ Prezidenti Donald Tramp 2015-ci il nüvə sazişindən birtərəfli qaydada çıxaraq İrana qarşı sərt sanksiyalar tətbiq etmişdi. Bu addım ölkədə yeni valyuta böhranının yaranmasına səbəb olmuşdu.