BAKI,VOA, Fərid Mikayılov
İran SEPAH-ının baş komandanı, general-mayor Əhməd Vahidi ölkəyə qarşı təhdidlərin davam edəcəyini və İranın müdafiə və hücum imkanlarını gücləndirməli olduğunu bildirib.
VOA xəbər verir ki, Vahidi qeyd edib ki, düşmənlər İran xalqına qarşı düşmənçilik və planlarından heç vaxt əl çəkməyəcək.
Onun sözlərinə görə, hazırda döyüş meydanında hücumların yeni və müxtəlif formaları müşahidə olunur.
SEPAH komandanı bildirib ki, müdafiə və hücum gücünün artırılması strategiyasının davam etdirilməsi həm mövcud, həm də gələcək təhdidlərin qarşısının alınması üçün ən effektiv yoldur.
Vahidi İran Silahlı Qüvvələrinin və müdafiə sənayesinin ölkəni təhdidlərdən qoruyan güclü sipər formalaşdırdığını, son müharibələrdə rəqiblər üzərində üstünlük əldə etdiyini də iddia edib.
