Küveyt Hərbi Dəniz Qüvvələrinin komandanı general-mayor Seyf əl-Həmlan ilə Səudiyyə Ərəbistanı Kral Hərbi Dəniz Qüvvələrinin Şərq Donanmasının komandanı general-mayor Mənsur əl-Uteybi arasında üçüncü əlaqələndirmə görüşü keçirilib.
ArabAZ xəbər verir ki, görüş Səudiyyə Ərəbistanındakı Kral Əbdüləziz Hərbi Dəniz Bazasında baş tutub.
Tərəflər iki ölkə arasında hərbi əməkdaşlığın mövcud vəziyyətini, birgə əlaqələndirmə məsələlərini və qarşılıqlı maraq doğuran mövzuları nəzərdən keçiriblər.
Görüşdə hərbi dəniz əməkdaşlığının genişləndirilməsi, təcrübə mübadiləsinin artırılması, qüvvələrin hazırlıq səviyyəsinin yüksəldilməsi və iki donanma arasında əlaqələndirmənin gücləndirilməsi yolları da müzakirə olunub.
