Bakı, AzerVoice

İsrail ordusunun Livanın cənub və şərqində həyata keçirdiyi hava hücumlarında 13 nəfərin həyatını itirdiyi bildirilib.

AzerVoice xəbər verir ki, Livanın rəsmi xəbər agentliyi NNA-da yer alan xəbərə görə, İsrail döyüş təyyarələri ölkənin cənubunda yerləşən Nəbatiyə vilayətində kənd və qəsəbələri bombalayıb.

Hücumlarda 8 nəfər ölüb, çoxlu sayda insan yaralanıb.

İsrail ordusunun Sidon şəhərinə təşkil etdiyi hücumda 1 nəfər ölüb, 7 nəfər yaralanıb.

İsrailin Livanın şərqindəki Baalbek-Hermel bölgəsindəki Nəbi Şit qəsəbəsinə hücumu nəticəsində 4 nəfərin öldüyü bildirilib.

Qeyd edək ki, ötən gün İsrail ordusunun Livanın cənubundakı Sur şəhərinin müxtəlif bölgələrində həyata keçirdiyi hücumlarda 23 nəfər həyatını itirib.