BAKI,VOA,Yusif Şərifzadə
Cənubi Livanın sakinləri İsrailin zərbələri nəticəsində azı 11 nəfərin öldürülməsindən sonra yenidən evlərini tərk etməyə başlayıblar.
VOA xəbər verir ki, İsrail qüvvələrinin Ənsar kəndinin kənarına və Deyr əz-Zəhrani kəndindəki binaya endirdiyi zərbələr nəticəsində azı 11 nəfər həyatını itirib.
Sosial şəbəkələrdə yayılan və “Əl-Cəzirə” tərəfindən təsdiqlənən görüntülərdə insanların avtomobillərlə ərazidən uzaqlaşdığı, yollarda uzun avtomobil sıxlığının yarandığı görünür.
İsrailin cənubi Livana davam edən hücumları bölgədə mülki əhalinin təhlükəsizliyi ilə bağlı narahatlıqları artırıb. Zərbələrdən sonra bir sıra sakinlərin təhlükəsiz ərazilərə köçməyə məcbur olduğu bildirilir.
