BAKI, AzerVoice
Liviyanın şimal-qərbində yerləşən Əz-Zaviya şəhərinin cənubundakı neft kəmərlərindən birində neft sızması baş verib.
AzerVoice xəbər verir ki, bu barədə Liviya Milli Neft Korporasiyası (National Oil Corporation – NOC) məlumat verib.
“NOC-un texniki xidmət və fövqəladə yardım komandaları Əz-Zaviya şəhərinin cənubundakı neft kəmərində baş verən sızmanın aradan qaldırılması işlərini davam etdirir” - deyə, məlumatda bildirilib.
Məlumata görə, sızma baş verdiyi andan etibarən El-Hamada yatağından bu kəmər vasitəsilə neft nəqli dərhal dayandırılıb. Mütəxəssislər sızmanın səbəblərini müəyyən edir, ətrafa yayılmış neftin təmizlənməsi və ətraf mühitin mümkün çirklənməsinin qarşısının alınması üçün tədbirlər görürlər.
