Bakı. AzerPress:

Qəzzada başlayan müharibə bölgədə burulğana çevrilir.

AzerPress-in məlumatına görə, bu sözləri Türkiyənin Xarici İşlər naziri Hakan Fidan, Xorvatiyanın xarici işlər naziri Qordan Qrliç Radmanla birgə keçirdiyi mətbuat konfransından sonra sualları cavablandırarkən deyib.

"Qəzzadakı qətliam beynəlxalq ictimaiyyətin gözü qarşısında baş verir. Bu qətliam davam etdiyi vəziyyətdə regional miqyasda yayılma riskini də artır. Qırmızı dəniz, İraq və Suriyada baş verənlər, Qəzzada başlayan müharibənin burulğana çevriləcəyini xəbər verir. Biz müxtəlif cəmiyyətlərdə dəfələrlə bəyan etmişik ki, fələstinlilər və israillilər üzərində bərabər suverenlik olmadan daimi sülh əldə edilə bilməz. Yalnız İsrailin maraqlarını ön planda tutan yanaşmalar sülh gətirməyəcək",- deyə nazir bildirib.

Hakan Fidan vurğulayıb ki, biz sülhlə bağlı işimizi davam etdirəcəyik və İsrailin törətdiyi qırğınlara görə beynəlxalq ictimaiyyətdən lazımi cavabı alması üçün bütün səylərimizi göstərəcəyik.

Qeyde dək ki, oktyabrın 7-də İsrail-Fələstin münaqişəsinin yeni mərhələsi başlayandan bəri Qəzza zolağında ölənlərin sayı 24 min 285 nəfərə çatıb.

Aytac Süleymanova

Twitter: a_alieva_