Bakı,AzerVoice

İraqın baş naziri Məhəmməd Şia Əl-Sudani hökumətin beynəlxalq koalisiyanın İraqda olması ilə bağlı mövqeyini bir daha təsdiqləyib.AzerVoice xəbər verir ki,  Əl-Sudaninin açıqlamaları Fransanın İraqdakı yeni səfiri Patrik Durel ilə görüşündə, İraq və Fransa arasında əlaqələri inkişaf etdirmək və tərəfdaşlıqları gücləndirmək üçün strategiyaları nəzərdən keçirdikləri zaman baş tutub.

Əl-Sudani Fransa ilə əlaqələri müstəsna adlandıraraq, ikitərəfli əməkdaşlığın inkişafı üçün mühüm təməl olan neft və müdafiə sektorlarında bir sıra mühüm müqavilələrin Fransa ilə imzalandığını bildirib.

Əl-Sudani İraq qüvvələrinin imkanlarının artırılması və İŞİD terror təşkilatının qalıqlarının yaratdığı təhlükəsizlik təhdidinin aradan qaldırılmasını müzakirə edərək, İraqın beynəlxalq koalisiyaya üzv dövlətlərlə ikitərəfli münasibətlərə keçmək niyyətini vurğulayıb.

Məlumat üçün bildirək ki , yanvarın 27-də Bağdad və Vaşinqtonda ABŞ-ın İraqdakı qoşunlarına dair danışıqların birinci raundu keçirilib.