Bakı. AzerVoice:
İsraildə minlərlə insan baş nazir Benyamin Netanyahu hökumətinin istefası və erkən seçkilərin keçirilməsi tələbi ilə etiraz aksiyaları keçirib.
AzerVoice-nin məlumatına görə, İsrailin paytaxtı Təl-Əvivdə, Eliezer Kaplan küçəsində Müdafiə Nazirliyinin binası qarşısına toplaşan minlərlə nümayişçi əllərində İsrail bayraqları və Netanyahu hökumətini tənqid edən plakatlar tutub.
Nümayişçilər səsgücləndiricilərdən Netanyahu hökumətinin əleyhinə şüarlar səsləndirib. İsrail polisi nümayişçilərin ərazini tərk etməsinə mane olmaq üçün yük maşınları ilə yolu bağlayıb.
İsrail polisi açıqlamasında bildirib ki, Təl-Əvivdə keçirilən nümayiş qanuna zidd olub və ictimai asayişi pozub.
Qeyd edək ki, oktyabrın 7-də İsrail-Fələstin münaqişəsinin yeni mərhələsi başlayandan bəri Qəzza zolağında ölənlərin sayı 28 min 775 nəfərə çatıb.
Hafiz Rufizoğlu
