Bakı,AzerVoice

Türkiyə müdafiə sənayesində fəaliyyət göstərən 40 şirkət Qətərdə keçiriləcək 8-ci Doha Beynəlxalq Dəniz Müdafiəsi Sərgi və Konfransında (DIMDEX 2024) iştirak edəcək.AzerVoice xəbər verir ki,səkkizinci DIMDEX sərgisi 4-6 mart tarixləri arasında Qətər Milli Konqres Mərkəzində keçiriləcək.

Sərgidəki Türkiyə pavilyonunda Anadolu Gəmiqayırma Zavodu, ASELSAN, ASFAT, BAYKAR, BMC, DEARSAN, HAVELSAN, KAREL, Makine ve Kimya Endüstrisi AŞ, Meteksan Defence, Nurol Makina, REPKON, Robit Teknoloji, ROKETSAN, SIMSOFT və TİTRA Texnologiyası olan şirkətlər havadan, qurudan, dəniz platformaları, silah sistemləri və proqram həlləri nümayiş etdirəcək.

Qeyd edək ki, Türkiyə müdafiə sənayesi şirkətləri tərəfindən istehsal edilən silahlı pilotsuz uçuş aparatları, zirehli texnika, silah sistemləri, qayıqlar, təlim gəmiləri və təlim mərkəzləri kimi platforma və qurğular Qətər təhlükəsizlik qüvvələri tərəfindən istifadə edilir.