BAKI, AzerVoice

Bu gün Ankarada Türkiyə və Böyük Britaniya arasında Suriya üzrə diplomatik məsləhətləşmələr baş tutacaq.

AzerVoice xəbər verir ki, görüşdə Suriyada təhlükəsizlik, sabitlik və iqtisadi vəziyyət müzakirə ediləcək.

Türkiyə tərəfdən xarici işlər nazirinin müavini Nuh Yılmaz, Britaniya tərəfdən isə xarici işlər naziri, Yaxın Şərq, Şimali Afrika, Əfqanıstan və Pakistan üzrə dövlət naziri Hamiş Falkoner məsləhətləşmələrə rəhbərlik edəcək.

Müzakirələr zamanı Türkiyənin Suriya ilə bağlı mövqeyi və gözləntiləri açıqlanacaq və Suriyanın yenidən qurulması üçün atılacaq addımlar dəyərləndiriləcək.
İlkin şərt olmadan sanksiyaların ləğvi məsələsi, İsrailin Suriyanın suverenliyini pozan və təhdid edən hərəkətləri və Suriyanın gələcəyində terrora yer olmadığı vurğulanacaq.

Bu görüş beynəlxalq ictimaiyyətin Suriyada milli barışığa töhfə vermək üçün atdığı addımları dəstəkləmək baxımından mühüm əhəmiyyət daşıyır.