Bakı,AzerVoice
Monqolustanın Tuv şəhərində yerləşən Şovh Uul dağı və Tuul çayı hövzəsində yeni qazıntılar aparılır. Orta əsrlərdə köçəri türklərin məzarlarının müəyyənləşdirilməsinə yönəlmiş tədqiqatların nəticələri türk tarixində yeni səhifələr aça bilər.
İstanbul Universitetinin, Monqolustan Mədəniyyət və İncəsənət Universiteti ilə əməkdaşlığı çərçivəsində həyata keçirilən qazıntı işləri türk mədəniyyəti üçün çox vacibdir.
Layihənin Türkiyədən koordinatorları İstanbul Universitetindən Prof. Dr. Kürşat Yıldırım, Aydın Universitetindən Dos. Dr. Elvin Yıldırım və tədqiqatçı-həkim Şeyma Sapmanın da qazıntı qrupunda olduğu bildirilir.
"Araşdırma nəticəsində birgə elmi məqalələr nəşr olunacaq. Qazıntı hesabatı iki dildə, monqol və türk dillərində olacaq. Türklərin tarix səhnəsinə çıxdığı dövrdən biz bunu Qazaxıstanda, Qırğızıstanda, Baykal gölündə, Altay və Tyan-Şan dağlarında, eləcə də Anadoluda görürük. Aparacağımız qazıntı keçmişin izlərinə işıq salacaq" ,- deyə Yıldırım bildirib.
Yıldırım, eramızdan əvvəl 19-cu əsrə aid olduğu təxmin edilən qazıntı sahəsinin Tunc dövrünə aid olması ehtimalına da toxunub.
Tarixçi Dos. Dr. Elvin Yıldırım isə Türk kitabələrinin Tula sahillərindəki Doqquz Oğuz yurdları haqqında məlumat verdiyini bildirib.
"Bilgə Tonyukuk tayfasının vətəni Tula sahilləridir, bu ərazidə onun öz kitabəsi ucaldılıb. Belə tarixi məlumatlar bizə Tula sahillərinin V-VIII əsrlərdə salınmasından xəbər verir. Bu baxımdan qazıntı apardığımız kurqanın nəticələri tariximiz üçün böyük əhəmiyyət kəsb edir",- deyə o vurğulayıb.
