Paris. AzerVoice
Paris-2024 Yay Olimpiya Oyunlarında boksçuların yarımfinal görüşləri keçirilir.
AzerVoice İdman.biz-ə istinadən xəbər verir ki, bu mərhələyə yüksəlməklə medallardan birini təmin edən yeganə Azərbaycan təmsilçisi Alfonso Dominqes növbəti döyüşünə çıxıb.
92 kq çəkidə mübarizə aparan boksçumuz Emmanuel Reyes Pla (İspaniya) ilə görüşüb. Alfonso Fransa paytaxtında ardıcıl 3-cü qələbəsini qazanıb – 4:1 (28:29, 29:28, 29:28, 29:28, 30:27).
Bununla da Dominqes finala vəsiqə qazanıb. Həlledici görüş avqustun 9-da baş tutacaq.
Qeyd edək ki, Tokio-2020-də bürünc medal qazanan Alfonso Azərbaycan tarixinə iki olimpiya medalı qazanan ilk boksçu kimi düşüb.
