Bakı, AzerVoice

2024-cü ilin yanvar – iyul aylarında Türkiyənin Azərbaycana kimyəvi maddə ixracı ötən ilin eyni dövrü ilə müqayisədə 4,9 faiz artaraq, 300,7 milyon dollara bərabər olub.

Bu barədə AzerVoice-a Türkiyə Ticarət Nazirliyindən bildiriblər.

“Bu ilin iyul ayında Türkiyə Azərbaycana 48,8 milyon dollar məbləğində kimyəvi maddə ixrac edib ki, bu da keçən ilin iyul ayı ilə müqayisədə 24,6 faiz çoxdur” – deyə nazirlikdən bildirilib.

Qeyd edək ki, Türkiyənin 2024-cü ilin yanvar-iyul aylarında kimyəvi maddə ixracı ötən ilin eyni dövrü ilə müqayisədə 9,5 faiz artaraq 18 milyard 420 milyon dolları ötüb.

“2024-cü ilin iyul ayında Türkiyənin dünya bazarlarına kimyəvi maddə ixracı 2023-ci ilin eyni ayı ilə müqayisədə 19,4 faiz artaraq, 2 milyard 596 milyon dollara bərabər olub”, – deyə məlumatda qeyd edilib.

Qeyd olunub ki, son 12 ay ərzində (iyul 2023-iyul 2024) Türkiyə 32 milyard 88 milyon dollar məbləğində kimyəvi maddə ixrac edib.