Bakı,AzerVoice

İranın yarı-rəsmi xəbər agentliyi çərşənbə günü yekun təhqiqatdan xəbərdar olan təhlükəsizlik mənbəsinə istinadən bildirib ki, may ayında İranın mərhum prezidenti İbrahim Rəisinin həlak olduğu helikopter qəzasına hava şəraiti və təyyarənin daşıdığı yükü daşıya bilməməsi səbəb olub.

İran ordusunun may ayında verdiyi ilkin hesabatda deyilirdi ki, qəza ilə bağlı aparılan araşdırmalar zamanı indiyədək heç bir hücum dəlili aşkar edilməyib.

Fars xəbər agentliyinə adı açıqlanmayan təhlükəsizlik mənbəsi bildirib ki, “Rəisinin helikopter qəzası ilə bağlı istintaq tamamlanıb və baş verənlərin qəza olduğuna tam əminlik var”.

Mənbənin sözlərinə görə, qəzanın iki səbəbi müəyyən edilib: hava şəraitinin uyğun olmaması və vertolyotun yükü daşıya bilməməsi onun dağa çırpılmasına səbəb olub.

Mənbənin Fars-a verdiyi məlumata görə, araşdırmalar göstərir ki, helikopter təhlükəsizlik protokollarının tələb etdiyi tutumdan əlavə iki nəfəri daşıyırdı.