Bakı. AzerPress:
100 humanitar yardım daşıyan yük maşını Qəzza zolağına gətirilib.
AzerPress-in məlumatına görə, bu barədə Fələstin Qızıl Aypara Cəmiyyəti yazılı açıqlama verib.
Açıqlamada, Rəfah Sərhəd Qapısından Qəzza zolağına daxil olan humanitar yardım yüklü 100 TIR-ın Misir Qızıl Aypara Cəmiyyətindən qəbul edildiyi bildirilib.
Qeyd olunub ki, yük maşınlarında su, ərzaq, dərman və tibbi ləvazimatlar daşınır.
Müxtəlif ölkələrdən Qəzzaya göndərilən yardımlar Misir Qızıl Aypara Cəmiyyətinin koordinasiyası ilə Misir və Qəzza arasındakı Rəfah Sərhəd Qapısı vasitəsilə çatdırılıb.
Hafiz Rufizoğlu
