BAKI, AzerVoice

ABŞ prezidenti Donald Tramp və Rusiya prezidenti Vladimir Putin arasında telefon danışığı baş tutub.

AzerVoice xəbər verir ki, bu haqda Trampın verdiyi məlumatda bildirilib.

Məlumata görə, Tramp Putinlə Ukraynanın Rusiya təyyarələrinə hücumunu müzakirə edib.

“Biz UkraynanınRusiya təyyarələrinə hücumunu və hər iki tərəfin həyata keçirdiyi bir sıra digər hücumları müzakirə etdik” - deyə, ABŞ Prezidenti bildirib. Onun sözlərinə görə, söhbət yaxşı keçib, amma Ukraynada sülhün əldə olunmasına gətirib çıxaracaq bir söhbət olmayıb.

Tramp həmçinin qeyd edib ki, telefon danışığı 1 saat 15 dəqiqə davam edib.

İki lider eyni zamanda İranın nüvə silahları sahəsindəki fəaliyyətlərini də müzakirə ediblər. ABŞ prezidenti bu məsələ ilə əlaqədar olaraq Tehranın ABŞ-ın təkliflərinə mümkün qədər tez cavab verməsini tələb edib.

"Putin ilə söhbətimdə İranın nüvə silahına sahib ola bilməyəcəyini açıq şəkildə ifadə etdim və bu mövzuda onunla ortaq mövqedə olduğumuzu düşündüyümü bildirdim. Putin, İranla bu məsələni müzakirə etməyə hazır olduğunu və bunun, bu problemin sürətlə həlli baxımından faydalı ola biləcəyini təklif etdi. İranın nüvə silahlarından imtina etməsi ilə bağlı qərar verməsi üçün vaxtın azalmaqda olduğunu vurğuladım. Bu qərar tezliklə qəbul edilməlidir." - deyə, o Truth Social sosial şəbəkəsində yazıb.