Bakı. AzerVoice:
Qətərin baş naziri və xarici işlər naziri Şeyx Məhəmməd bin Əbdül Rəhman Əl Tani ölkəsinin Birləşmiş Millətlər Təşkilatının Fələstinli Qaçqınlara Yardım və İşlər üzrə Agentliyinə ( UNRWA ) dəstəyini davam etdirəcəyini təsdiqləyib.
AzerVoice xəbər verir ki, Şeyx Məhəmməd bin Əbdül Rəhman Qətərin Qəzzadakı fəlakətli humanitar vəziyyət fonunda öz məsuliyyətini ikiqat artıran UNRWA-ya dəstəyini davam etdirəcəyini bildirib və Qətər Dövlətinin Qəzza zolağına humanitar yardımın daxil olmasını davam etdirməkdə maraqlı olduğunu vurğulayıb.
O, həmçinin Qətər Dövlətinin UNRWA-nın Qəzza zolağında və İordan çayının qərb sahili, İordaniya, Suriya və Livandakı fələstinli qaçqınlara yardım göstərməsində oynadığı mühüm rola görə minnətdarlığını ifadə edib.
Qətərin Baş naziri həmçinin bu agentliyin maliyyələşdirilməsinin dayandırılmasının fəlakətli nəticələri barədə xəbərdarlıq edib.
Lazzarini, öz növbəsində, UNRWA-nın Dohaya fələstinlilərin fövqəladə humanitar ehtiyaclarının ödənilməsinə töhfə verən proqramlarına səxavətli və davamlı dəstəyinə görə təşəkkürünü ifadə edib.
Qeyd edək ki, oktyabrın 7-də Fələstin-İsrail münaqişəsinin yeni mərhələsi başlayandan bəri Qəzza zolağında ölənlərin sayı 27 min 365 nəfərə çatıb.
