İsrailin Rəfaha qurudan hücumu qəzzalıların yaşadığı dəhşəti artıracaq

İsrailin Rəfaha qurudan hücumu ehtimalı qəzzalıların yaşadığı dəhşəti yeni səviyyəyə qaldıracaq.

AzerVoice xəbər verir ki, Birləşmiş Millətlər Təşkilatının (BMT) İnsan Haqları üzrə Ali Komissarı Volker Türk, İsrailin Rəfaha qurudan hücumu ehtimalının Qəzzada insanların yaşadığı dəhşəti daha da pis səviyyəyə çatdıracağını bildirib.

“İsrailin Rəfaha qurudan hücumu ehtimalı Qəzzada insanların çəkdiyi dəhşəti yeni və ən pis səviyyəyə qaldıracaq. Davam edən bombardmanlara baxmayaraq 1,5 milyondan çox insanın yaşadığı Rəfah, Qəzzanın humanitar yardım mərkəzinə çevrilib. Rəfaha quru hücumu, böyük insan itkilərinə və yeni vəhşilik cinayətlərinin əlavə olunacaq, yeni yerdəyişmələrə və təsirli humanitar yardım ümidlərinin tamamilə itməsinə səbəb olacaq. Bütün nüfuzlu dövlətləri belə bir nəticənin qarşısını almaq üçün əllərindən gələni etməyə dəvət edirəm",- deyə Volker Türk vurğulayıb.

Qeyd edək ki, İsrailin 7 oktyabrdan bəri Qəzza zolağına təşkil etdiyi hücumlarda ən az 12 min 660-ı uşaq, 8 min 570-i qadın olmaqla, 30 min fələstinli həlak olub, 70 min nəfər isə yaralanıb.

Dağıntılar altında hələ də minlərlə ölü olduğu bildirilərkən, insanların sığındığı xəstəxana və təhsil müəssisələri hədəf alınaraq mülki infrastruktur da məhv edilir.

Qəzzada 1,9 milyon fələstinli havadan, qurudan və dənizdən edilən hücumlar səbəbilə didərgin düşüb.

İsrailin maneələri səbəbindən bölgəyə kifayət qədər yardım çatdırıla bilmir. Fələstinlilər bir tərəfdən İsrailin hücumları ilə, digər tərəfdən isə hər gün dərinləşən aclıqla mübarizə aparır.