Bakı. AzerVoice:

Rəfahdə gözlənilən hərbi əməliyyat mülki əhalinin təxliyəsi ilə başlayacaq və 5 həftə davam edə bilər.

AzerVoice bu barədə İsrailin Kan ictimai radiosunun bu gün bildirdiyi məlumata istinadən bildirir.

Kan radiosunun xəbərində qeyd olunub ki, quru əməliyyatının birinci mərhələsində mülki şəxslər Misir sərhədi yaxınlığında, Qəzza zolağının cənubundakı Rəfahdan daha təhlükəsiz yerlərə köçürüləcək.

Bir neçə aydır ki, İsrailin müttəfiqləri və tənqidçiləri baş nazir Benyamin Netanyahuya müraciət edərək Rəfaha müdaxilə etməməyə çağırıblar.

Maraqlıdır ki, mühasirəyə alınmış zolağın digər yerlərindən Rəfaha köçmüş bir milyondan çox fələstinli var və bu bölgə həmçinin yardımın Zolağa daxil olduğu əsas keçidi də əhatə edir.

İsrailə artan təzyiqlərə baxmayaraq, hökumət HƏMAS hərəkatını darmadağın etmək məqsədinə çatmaq üçün quru əməliyyatı ilə irəliləməli olduğunu bildirir.