Bakı,AzerVoice
Livanda fələstinlilərin yaşadığı 12 qaçqın düşərgəsi var. 1948-ci ildə vətənləri İsrail tərəfindən işğal edilmiş fələstinlilər bu düşərgələrdə çox ağır şəraitdə həyatlarını davam etdirməyə çalışırlar. Beyrutdakı Şatilla Qaçqınlar Düşərgəsinin sakini Mohammed Abu Maruf deyir ki, dar küçələr və iç-içə binalar səbəbindən onların özəl həyatı yoxdur.
Bu düşərgələrdə 200 mindən çox fələstinli qaçqın yaşayır. Düşərgələrin ərazisi kiçik olduğu üçün binalar iç-içə və yuxarıya doğru yüksəlir və əhali artdıqca yeni mərtəbələr əlavə olunur.
Bəzi yerlərdə küçələr iki nəfərin eyni anda keçə bilməyəcəyi qədər dardır. Bu səbəbdən demək olar ki, bütün evlər gün işığına həsrət qalıb. Düşərgələrdə bələdiyyə xidməti göstərilmir, buna görə də infrastruktur və gigiyena problemləri var.
Fələstinli qaçqın gənclərin 75 faizi işsizdir
Fələstinli qaçqınların düşərgələri tərk etmələrinin qarşısı alınmasa da, onlara bir çox peşələrdə işləmək qadağandır. Düşərgələrdə ən böyük problemlərdən biri də gənclərin işsizliyidir. Belə ki, 75 faiz gənc işsiz vəziyyətdədir.
Burj əl-Barajneh Qaçqınlar Düşərgəsində yaşayan gənc fələstinli qadın inşaat mühəndisliyi fakültəsində təhsil alır. Düşərgədə telefon mağazasında işləyən gənc qadın deyir ki, məzun olduqdan sonra məhdudiyyətlər səbəbindən Livanda öz işi ilə məşğul olmaq mümkün olmayacaq.
Elektrik kabelləri ölümə səbəb olur
Mohammad Abu Maaruf 25 min insanın yaşadığı Şatila qaçqın düşərgəsinin sakinlərindən biridir. O qeyd edir ki, Livandakı fələstinli qaçqın düşərgələrində havada asılmış kabellər var. O bildirir ki, Şatilla Qaçqınlar Düşərgəsində hər il orta hesabla 20 nəfər yağışlarda axınlara qapılaraq ölür. 50 yaşlı Əbu Maaruf Şatilla Qaçqınlar Düşərgəsində doğulub böyüyüb. O, ailəsinin Akka şəhərindən sürgün edildiyinə və bir gün vətənini görüb ailəsi ilə birlikdə kəndinə qayıdacağına inanır.
Qeyd edək ki, Sabra və Şatila qətliamı 1982-ci il sentyabrın 16-da israilyönlü ifrat sağçı xristian falanqist milislərin Qərbi Beyrutdakı Sabra və Şatila adlı Fələstin qaçqın düşərgələrinə basqın edərək yüzlərlə müsəlmanı (750-3500 arasında) qətlə yetirdiyi hadisə idi. . Daha sonra qətliamda İsrailin keçmiş baş nazirlərindən olan Ariel Şaronun rolu olduğu iddia edilib. BBC-nin məlumatına görə, İsrail Parlamentinin İstintaq Komissiyası Şaronu qırğına görə dolayısı ilə günahkar bilib və Şaron daha sonra müdafiə naziri vəzifəsindən istefa verib.
