BAKI, AzerVoice, Nailə Babazadə
İsrailin 7 oktyabr 2023-cü ildən bu yana Qəzza zolağına həyata keçirdiyi hücumlarda həlak olanların sayı son 24 saatda 76 nəfər artaraq 62 min 895 nəfərə çatıb.
AzerVoice xəbər verir ki, Qəzzədəki Fələstin Səhiyyə Nazirliyinin yaydığı yazılı açıqlamada, İsrailin davam edən hücumları nəticəsində baş verən itkilərlə bağlı son məlumatlar açıqlanıb.
Son 24 saatda Qəzza zolağındakı xəstəxanalara 76 nəfərin nəəşi və 298 yaralı çatdırılıb.
İsrail ordusunun 19 yanvarda əldə olunan atəşkəsi pozaraq 18 martdan bəri davam etdirdiyi hücumlar zamanı 11 min 50 fələstinlinin həyatını itirdiyi, 46 min 886 nəfərin isə yaralandığı bildirilib.
Son 24 saatda humanitar yardım gözləyən insanlara qarşı həyata keçirilən hücumlarda 18 fələstinli həyatını itirib, 106 nəfər isə yaralanıb.
İsrail və ABŞ tərəfindən yönləndirilən yardım bölgələrində fələstinlilərin hədəf alındığı sistemli hücumlar nəticəsində 27 maydan bu yana ölənlərin sayı 2 min 158, yaralananların sayı isə 15 min 843 nəfərə çatıb.
Ümumilikdə, İsrailin 7 oktyabr 2023-cü ildən bəri Qəzza zolağına etdiyi hücumlarda həyatını itirənlərin sayı 62 min 895, yaralananların sayı isə 158 min 927 nəfər olaraq açıqlanıb.
Qəzza zolağında uçurulmuş binaların dağıntıları altında hələ də minlərlə meyitin olduğu bildirilir.
Bundan əlavə, İsrailin sərhəd keçidlərini bağlayaraq yardım girişini məhdudlaşdırması nəticəsində aclığa sürüklənən Qəzzədə son 24 saat ərzində 10 fələstinlinin daha aclıqdan həyatını itirdiyi, 7 oktyabrdan bu yana aclıqdan ölənlərin ümumi sayının 119-si uşaq olmaqla 313 nəfərə çatdığı vurğulanıb.
