BAKI,AzerVoice, Nailə Babazadə
İsrail ordusu Livanın cənubuna hücum həyata keçirəcəyini açıqlayıb.
AzerVoice xəbər verir ki, ordunun açıqlamasında “bir azdan vuracağıq” ifadəsi ilə bölgəyə zərbələrin endiriləcəyi bildirilib. Paylaşılan məlumatda iki binanın işarələndiyi və “təcili” kodu ilə təxliyə xəbərdarlığının edildiyi görünür.
İsrail Müdafiə Qüvvələrinin (IDF) sözçüsü Aviçay Adraei tərəfindən yayımlanan təxliyə çağırışında, xüsusilə Deir Kifa və Şahur kəndlərində yaşayan sakinlərə müraciət olunub.
Adraei, Hizbullahın bölgədəki hərbi obyektlərini hədəfə alacaqlarını qeyd edib.
“Özünüzün və ailənizin təhlükəsizliyi üçün xəritədə göstərilən ərazidəki binaları dərhal tərk etməli və həmin zonadan uzaqlaşmalısınız. İşarələnmiş sahələrdə qalmaq sizi təhlükə altına salır.” - deyə müraciədə qeyd edilib.
