Əməliyyatlar silahsızlaşdırma və uzunmüddətli razılaşma əldə olunana qədər davam edəcək – İsrail
İsrailin "Walla" xəbər portalı ölkə ordusundakı yüksək rütbəli mənbəyə istinadən xəbər verir ki, Livanın cənubunda həyata keçirilən hərbi əməliyyatlar dayandırılmayacaq. Mənbənin bildirdiyinə görə, İsrail ordusunun əməliyyatları qarşıya qoyulmuş strateji hədəflərə çatana qədər davam etdiriləcək. Bu hədəflər aşağıdakı iki əsas bənddən ibarətdir:
İsrailin Livanın cənubuna endirdiyi zərbələr nəticəsində daha 3 nəfər həlak olub
İsrail ordusunun martın 2-dən etibarən Livana qarşı başlatdığı genişmiqyaslı hərbi əməliyyatlar bütün şiddəti ilə davam edir. Livanın rəsmi NNA agentliyinin yaydığı məlumata görə, İsrail hərbi təyyarələri səhər saatlarından başlayaraq ölkənin cənubundakı Dıbbin, Kefer Sir, Haruf, Zibdin, Yatır və Burç Rahhal yaşayış məntəqələrini intensiv bombardman edib. Kefer Sir qəsəbəsində yerləşən iki mərtəbəli binanın hədəf alınması nəticəsində azı 3 mülki şəxs həyatını itirib. Eyni zamanda, sərhəd xəttində yerləşən Hiyam, Sadiykayn və Zıbkin bölgələri ağır artilleriya atəşinə tutulub.
Beyrutun cənubuna endirilən zərbələr nəticəsində 7 nəfər həlak olub
Livan Səhiyyə Nazirliyi çərşənbə günü verdiyi bəyanatda İsrail ordusunun Beyrutun cənub məhəllələrinə və paytaxt yaxınlığındakı yaşayış məntəqələrinə endirdiyi zərbələr nəticəsində azı 7 nəfərin həyatını itirdiyini bildirib. Məlumata görə, Beyrutun Jnah bölgəsindəki avtomobilləri hədəf alan reyd zamanı 5 nəfər ölüb, 21 nəfər yaralanıb. Təhlükəsizlik mənbələri bu hücumun binaları deyil, konkret nəqliyyat vasitələrində olan şəxsləri hədəf alan sui-qəsd cəhdi olduğunu ehtimal edirlər. Bundan əlavə, çərşənbə axşamı gecə saatlarında paytaxtın cənubundakı Xalde bölgəsinə endirilən zərbə daha 2 nəfərin ölümünə səbəb olub.
Bu gün İsrailin Livana hücumları nəticəsində 12 nəfər həlak olub
İsrail ordusunun martın 2-dən etibarən Livana qarşı başlatdığı intensiv hücumlar davam edir. Bu gün səhər saatlarından bəri həyata keçirilən hava zərbələri nəticəsində həyatını itirənlərin sayı 12-yə yüksəlib. Livanın rəsmi NNA agentliyinin məlumatına görə, ölkənin cənub, şərq və şimal bölgələri ağır bombardmanlara məruz qalıb. Hücumların coğrafiyası genişlənməkdədir. Nəbatiyə vilayətinin Şərqi Zavter qəsəbəsində bir ailənin 3 üzvü, Kefur qəsəbəsində isə 2 nəfər həlak olub. Ölkənin cənubundakı Sur şəhərində hərəkətdə olan avtomobilin hədəf alınması nəticəsində 3 nəfər ölüb. Oxşar hadisə şərqi Livanın Zahlə bölgəsində də baş verib; avtomobilə endirilən zərbə 2 nəfərin həyatına son qoyub, daha 2 nəfər isə yaralanıb.
İsrail Livanın cənubuna hava zərbələri endirib
İsrail hərbi qüvvələri cümə günü Cənubi Livanın bir neçə bölgəsinə hava hücumları həyata keçirib. Hərbi mənbələr, Sidon bölgəsinə də hava zərbəsi endirdiklərini bildirərək, burada da Hizbullah döyüşçüsünün hədəfləndiyini açıqlayıblar. Hazırda Hizbullah tərəfdən hər hansı açıqlama verilməyib.
Atəşkəsdən sonra İsrail hücumlarında 335 nəfər həlak olub - Livan
Livan Səhiyyə Nazirliyi İsrailin 27 noyabr 2024-cü ildə yürürlüğə girən atəşkəs müqaviləsini pozaraq həyata keçirdiyi hücumlarda 335 nəfərin öldüyünü, 973 nəfərin isə yaralandığını açıqlayıb. İsrailə məxsus pilotsuz uçuş aparatı (PUA) ölkənin cənubunda Mansuri, Mecdel Zun və Zıbkin bölgələrinin üzərində aşağı irtifada uçuşlar həyata keçirib. Həmçinin bir PUA gecə saatlarında Hola qəsəbəsində bir evin üzərinə bomba atıb; hadisədə ölən və yaralanan olmasa da, maddi ziyan meydana gəlib.
İsrailin hücumları Livanda 127-dən çox mülki şəxsin ölümünə səbəb olub - BMT
Birləşmiş Millətlər Təşkilatı (BMT) İnsan Hüquqları Ali Komissarlığının sözçüsü Thameen Al-Kheetan bildirib ki, İsrail ordusunun hücumları, 2024-cü ilin noyabrında Lübnanda atəşkəsin qüvvəyə mindiyi dövrdən bəri ən az 127 mülki şəxsin ölümünə səbəb olub. Al-Kheetan Cenevrədəki BMT ofisində keçirilən həftəlik mətbuat konfransında İsrail-Lübnan atəşkəsinin əldə edilməsindən təxminən bir il keçdiyini xatırladıb və İsrail ordusunun hücumlarının artdığını, bunun nəticəsində Lübnanda mülki şəxslərin hədəf alındığını bildirib.
İsrail ordusu Livanın cənubuna hücum həyata keçirəcəyini açıqlayıb
İsrail ordusu Livanın cənubuna hücum həyata keçirəcəyini açıqlayıb. Ordunun açıqlamasında “bir azdan vuracağıq” ifadəsi ilə bölgəyə zərbələrin endiriləcəyi bildirilib. Paylaşılan məlumatda iki binanın işarələndiyi və “təcili” kodu ilə təxliyə xəbərdarlığının edildiyi görünür. İsrail Müdafiə Qüvvələrinin (IDF) sözçüsü Aviçay Adraei tərəfindən yayımlanan təxliyə çağırışında, xüsusilə Deir Kifa və Şahur kəndlərində yaşayan sakinlərə müraciət olunub.
İsrail, atəşkəsi pozaraq Livanda 114 mülki şəxsi öldürüb - BMT
Birləşmiş Millətlər Təşkilatının (BMT) İnsan Hüquqları üzrə Ali Komissarlığının sözçüsü Tamin əl-Xitan bildirib ki, İsrailin Livanla 2024-cü ilin noyabrında əldə etdiyi atəşkəsi pozması nəticəsində 114 mülki şəxs həlak olub. Əl-Xitan, Anadolu Agentliyinin “İsrail ordusu, atəşkəsə baxmayaraq Livanın cənubundakı dörd qəsəbədə bəzi məntəqələrə hücum təhdidi irəli sürərək, orada yaşayan sakinlərdən ərazini tərk etmələrini istəyib. Bu vəziyyəti necə qiymətləndirirsiniz, İsrailin bu addımını pisləyirsinizmi?” sualını yazılı şəkildə cavablandırıb.
İsrail ordusu Livanın cənubuna hava hücumu həyata keçirib
İsrail ordusu Livanın cənubundakı Sur vilayətində bir əraziyə hava zərbəsi endirib. Livanın rəsmi NNA agentliyinin məlumatına görə, hücum Tora və Abbasiye qəsəbələri arasındakı açıq ərazini hədəf alıb. Hadisə yerinə təcili tibbi yardım qrupları göndərilib. Livan rəsmiləri hücumla bağlı və mümkün itkilər barədə hələlik açıqlama verməyib. Sosial şəbəkələrdə yayılan görüntülərdə zərbə endirilən ərazidən qalxan tüstü müşahidə olunur.
İsrail ordusu atəşkəsə baxmayaraq Livanın Bəkaa bölgəsini bombalayıb
İsrail ordusu, atəşkəs rejiminə baxmayaraq Livanın cənubundakı Bəkaa bölgəsində bir neçə nöqtəyə hava hücumları həyata keçirib. Livan mediasında yayılan xəbərlərdə bildirilib ki, hava zərbələri Bəkaa bölgəsinin dağlıq ərazilərindəki bir neçə hədəfi vurub. Hücum nəticəsində ölən və ya yaralananların olub-olmaması barədə hələlik rəsmi açıqlama verilməyib. Sosial mediada paylaşılan videolarda hava hücumlarından sonra bölgədə çoxsaylı nöqtələrdən qalxan tüstü buludları əks olunub.
İsrailin UNIFIL-ə hücumu beynəlxalq iradəyə meydan oxumaqdır - Livan
İsrailin BMT-nin Müvəqqəti Sülhməramlı Qüvvələrinə (UNIFIL) hücumunun beynəlxalq ictimaiyyətin iradəsinə meydan oxuma olduğunu bildirən Livan Prezidenti Cozef Avn, bu hücumu qınayıb. Livan Prezidentliyindən yayılan yazılı açıqlamaya görə, Avn, İsrailin UNIFIL üzvlərinə Livanın cənubundakı vəzifələri zamanı hücumundan sonra UNIFIL Missiyasının rəhbəri və komandiri Diodato Abagnara ilə telefonla danışıb. Görüşdə Avn, Diodatoya İsrail ordusunun UNIFIL-ə qarşı hücumunu qınadığını bildirib. Livanın cənubundakı İsrail işğalının sona çatdırılması və Livanlı məhbusların qaytarılması ilə bağlı beynəlxalq çağırışları və BMT Təhlükəsizlik Şurasının 1701 saylı qətnaməsini xatırladan Avn, İsrailin bu çağırışları görməzlikdən gəldiyini və beynəlxalq ictimaiyyətin iradəsinə meydan oxumağa davam etdiyini vurğulayıb.
