BAKI, AzerVoice, Nailə Babazadə
İsrail ordusu işğal altındakı Qərb Sahilinin Nablus şəhərinə reyd təşkil edərək şəhərin qərbindəki Zevata Qovşağı bölgəsinə geniş hərbi qüvvə göndərib.
AzerVoice xəbər verir ki, yerli şahidlərinin verdiyi məlumata görə, Zevata Qovşağı bölgəsinin giriş və ətrafını, həmçinin Nablusun qərbində yerləşən Qurani-Kərim Akademiyasının ərazisini əhatə edən İsrail əsgərləri, daha sonra Filistinli “Sanuber” ailəsinin evini partlatmaq məqsədilə ətrafdakı digər evləri də boşaldıblar.
Bölge çoxsaylı əsgər və ağır hərbi texnika ilə mühasirəyə alınıb.
İsrail rəsmilərinin məlumatına görə, 5 sentyabr tarixində Zevata kəndində yaşayan Emir Hasan Sanuber ailəsinə evlərinin söküləcəyi və mülklərinə əl qoyulacağı barədə rəsmi xəbərdarlıq verilib.
İsrail ordusu Nablusa keçirdiyi bu reyd zamanı, “fevral ayında İsraildə avtobusları hədəf alan bir sıra partlayışlı hücumlara görə məsuliyyət daşıdığı” iddiası ilə Abdulkerim Sanuberi saxladığını açıqlayıb.
