BAKI,VOA,Yusif Şərifzadə
İsrailin baş naziri Benyamin Netanyahu Qəzzaya yönələn flotiliyanın iştirakçılarının deportasiya edilməsi üçün müvafiq qurumlara göstəriş verdiyini açıqlayıb.
VOA xəbər verir ki, Netanyahu flotilaları dayandırmaq üçün “tam hüquqa malik olduğunu” iddia etsə də, onun ifrat sağçı müttəfiqi İtamar Ben-Qvirin fəallarla rəftarı barədə “İsrailin dəyərlərinə və normalarına uyğun olmadığını” bildirib.
Netanyahu qeyd edib: “Mən müvafiq qurumlara təxribatçıların mümkün qədər tez deportasiya olunması barədə göstəriş vermişəm.”
Eyni zamanda, Qəzza flotiliyalarında iştirak edən beynəlxalq fəallar əvvəlki saxlanılma hallarında İsrail hakimiyyətini fiziki zorakılıq və psixoloji təzyiq də daxil olmaqla müxtəlif pis rəftarda ittiham ediblər.
BMT-nin İnsan Haqları Ofisi bu ayın əvvəlində iki flotiliya iştirakçısı – Seyf Əbu Keşşak və Thiago Avila barədə “ciddi pis rəftar” iddiaları ilə bağlı araşdırma çağırışı edib. İsraildəki “Adalah” hüquq mərkəzi isə həmin şəxslərin işgəncəyə bərabər ağır fiziki zorakılığa məruz qaldığını bildirib.
