BAKI,VOA,Yusif Şərifzadə
İsrail ordusu Livanın cənubunda Zəhrani çayının cənubunda yerləşən bütün əraziləri “döyüş zonası” elan edib.
VOA xəbər verir ki, ordunun ərəbdilli sözçüsü X platformasında yaydığı açıqlamada həmin ərazilərdə yaşayan sakinlərdən evlərini tərk etmələri tələb olunub.
Məlumata görə, açıqlamada “çayın cənubunda yerləşən bütün ərazilərin döyüş zonası hesab edildiyi” bildirilib.
İsrail tərəfi həmçinin qeyd edib ki, Hizbullahla əlaqəli olduğu iddia edilən hədəflərə qarşı əməliyyatlarda “maksimum gücdən” istifadə ediləcəyi gözlənilir.
Xatırladaq ki, bundan əvvəl İsrail ordusu Livanın Sur şəhəri və ətraf yaşayış məntəqələrinin sakinləri üçün də məcburi köçürmə əmri vermişdi.
Son açıqlama ilə birlikdə Livanın cənubunda hərbi əməliyyatların daha da genişlənə biləcəyi ilə bağlı ehtimallar artıb.
Humanitar qurumlar bölgədə yaşayan mülki əhali üçün risklərin yüksəldiyini və yeni köç dalğalarının yarana biləcəyini bildirirlər.
