BAKI,VOA,Yusif Şərifzadə
Qəzza Səhiyyə Nazirliyi bildirib ki, 26 xəstə Misir vasitəsilə Rafah keçidindən keçərək xaricdə müalicə almaq üçün Qəzzadan çıxarılıb.
VOA xəbər verir ki, xəstələr 64 müşayiətçi ilə birlikdə aparılıb. Nazirlik əlavə edib ki, minlərlə xəstə və yaralı hələ də Qəzzadan çıxmaq üçün icazə gözləyir və onların “həyatını xilas edəcək tibbi xidmətləri almaq üçün dərhal çıxışlarının təmin olunmasını” tələb edib.
Qeyd olunur ki, İsrailin Qəzzaya qarşı apardığı müharibə bölgənin səhiyyə sistemini məhv edib. Fələstinli səhiyyə işçiləri xəstələrin müalicəsi üçün zəruri avadanlıq və dərman çatışmazlığından şikayət edirlər.
