BAKI,VOA,Yusif Şərifzadə
Həmasın sözçüsü Həzəm Qəsəm bildirib ki, İsrail hərbi qüvvələrinin Qəzzadakı “Sarı Xətt”i genişləndirməsi “atəşkəs razılaşmasının açıq pozuntusudur”. Eyni zamanda, o, İsrailin zərbələrini və Fələstinlilərin zorla köçürülməsini də pisləyib.
VOA xəbər verir ki, Qəsəm bu hərəkətləri İsrailin Qəzzaya nəzarəti artırmaqla bağlı verdiyi “təhdidləri faktiki həyata keçirməsi” kimi qiymətləndirib.
Həmçinin Qəsəm qeyd edib ki, Sülh Şurasının məsələyə səssiz qalması və vasitəçi və zəmanətçi dövlətlərin davamlı pozuntuların qarşısını ala bilməməsi narahatlıq doğurur.
O əlavə edib ki, İsrailin bu hərəkətləri Qahirədə aparılan danışıqlar zamanı baş verib və bunu siyasi və seçki hesablamalarına xidmət etmək məqsədi ilə davam edən eskalasiya kimi qiymətləndirib.
