Qəzzada kağız çərpələnglər gərginlik mövzusuna çevrildi
Qəzza zolağında uşaqların çərpələng uçurması İsrail ilə Fələstin arasında növbəti mübahisə mövzusuna çevrilib. İsrailin bununla bağlı “Sülh Şurası”na şikayət etməsindən sonra qurum Qəzzada çərpələng uçurulmasını da “silahlı fəaliyyət” kimi qiymətləndirib. İsrailin Baş naziri Benyamin Netanyahu və müdafiə naziri İsrael Katz daha əvvəl çərpələng, pilotsuz uçuş aparatları və şarlardan istifadə dayandırılmadığı təqdirdə hərbi əməliyyatların gücləndiriləcəyi və həmin ərazilərdə yaşayan insanların təxliyə ediləcəyi barədə xəbərdarlıq ediblər.
Netanyahu Qəzzada beynəlxalq qüvvələrin yerləşdirilməsinə razılıq verməyib
İsrailin Baş naziri Binyamin Netanyahu Qəzzada beynəlxalq sabitləşdirmə qüvvələrinin yerləşdirilməsi ilə bağlı hökumətinin razılıq verdiyi barədə məlumatları təkzib edib. Netanyahunun ofisindən verilən açıqlamada İsrail siyasi rəhbərliyinin beynəlxalq qüvvələrin Qəzza zolağına daxil olmasına razılıq vermədiyi bildirilib. Sözügedən plan ABŞ Prezidenti Donald Trampın rəhbərlik etdiyi Sülh Şurasının iyulun 31-də açıqladığı yol xəritəsində yer alıb. Plana əsasən, Qəzzanın idarəçiliyinin beynəlxalq nəzarət altında milli komitəyə verilməsi, ABŞ generalının rəhbərliyi ilə beynəlxalq sabitləşdirmə qüvvələrinin bölgəyə yerləşdirilməsi, İsrail ordusunun mərhələli şəkildə geri çəkilməsi və yenidənqurma işlərinə başlanması nəzərdə tutulur.
İsrail prezidenti Qəzza planı ilə bağlı səyləri dəstəkləyib
İsrail prezidenti İsxak Hersoq Sülh Şurasının Qəzza ilə bağlı səylərini yüksək qiymətləndirib. Şuranın nümayəndə heyətinə ABŞ-ın xüsusi nümayəndəsi Cared Kuşner rəhbərlik edir. Hersoq Qəzza prosesinin Trampın 20 maddəlik planına uyğun olaraq növbəti mərhələlərə keçirilməsi səylərinə görə minnətdarlığını bildirib. İsrail prezidenti planın əsas elementlərindən birinin İsrailin təhlükəsizlik maraqları olduğunu deyib. O, nümayəndə heyətinin bu istiqamətdəki fəaliyyətini dəstəklədiyinibildirib. Hersoq İsrail və Qəzza xalqları üçün daha təhlükəsiz gələcəyin təmin edilməsinin vacibliyini vurğulayıb. O, bütün bölgənin daha təhlükəsiz gələcəyə ehtiyacı olduğunu qeyd edib. İsrail prezidentinin açıqlaması Qəzza ilə bağlı diplomatik səylərin davam etdiyi bir vaxtda səslənib.
Qəzzaya ayrılan 400 milyon dollar HƏMAS-a verilməyəcək
Qəzza üzrə Sülh Şurası 400 milyon dollarlıq borc yardımının HƏMAS vasitəsilə ötürülməyəcəyini açıqlayıb. Şuranın rəhbəri Nikolay Mladenov bildirib ki, HƏMAS razılaşmanın ikinci mərhələsində nəzərdə tutulan maliyyə axınlarından yararlanmayacaq. O, məqsədin HƏMAS-ın iştirak etmədiyi yeni idarəetmə sisteminin qurulması olduğunu qeyd edib. Vəsaitlərin dövlət qulluqçuları və xidmət göstərən təchizatçılar qarşısında qanuni öhdəliklərin ödənilməsinə yönəldiləcəyi bildirilib. Şura bu maliyyənin terror fəaliyyəti və ya korrupsiya ilə əlaqəli olmadığını vurğulayıb.
HƏMAS beynəlxalq qüvvələrdən gözləntilərini açıqlayıb
"Sülh Şurası" yaxın həftələrdə Qəzza zolağında humanitar sığınacaq mərkəzlərinin idarə olunması üzrə pilot layihəyə başlamağı planlaşdırır. Bu arada HƏMAS beynəlxalq sabitləşdirmə qüvvələrinin bölgəyə yerləşdirilməsinin İsrail ordusunun pozuntularının dayandırılmasına töhfə verəcəyinə ümid etdiyini bildirib.
“Sarı Xətt”in genişləndirilməsi atəşkəsi pozur
Həmas İsrailin Qəzzadakı genişlənməsini pisləyib. “Sarı Xətt”in genişləndirilməsi atəşkəs razılaşmasının pozulmasıdır. İsrailin zərbələri və Fələstinlilərin köçürülməsi də pislənir. Həzəm Qəsəm bunu İsrailin verdiyi təhdidləri həyata keçirməsi kimi qiymətləndirib. Sülh Şurası məsələyə səssiz qalıb. Vasitəçi və zəmanətçi dövlətlər pozuntuların qarşısını ala bilməyib. İsrailin hərəkətləri Qahirədə danışıqlar davam edərkən baş verib. Həmas bunu siyasi və seçki hesablamalarına xidmət edən eskalasiya kimi görür.
Fələstinlə bağlı alternativ sxemlər: Rusiya indi nə etməyə çalışır?
Fələstinlə bağlı alternativ sxemlər olsa da, ərəb ölkələri maraqlarını qoruyacaq.
Trampın Qəzza üçün yaratdığı “Sülh Şurası” fonduna vəsait daxil olmayıb
ABŞ Prezidenti Donald Trampın Qəzzanın bərpası məqsədilə irəli sürdüyü “Sülh Şurası” təşəbbüsü ilə bağlı yeni məlumatlar ortaya çıxıb. Bildirilir ki, yaradılmasından aylar keçməsinə baxmayaraq fonda hələlik heç bir maliyyə vəsaiti daxil olmayıb. Məsələ beynəlxalq dairələrdə təşəbbüsün effektivliyi və gələcək perspektivləri ilə bağlı müzakirələri gücləndirib.
Qəzza sakinləri həyati ehtiyaclarını qarşılamaq üçün yardıma möhtacdır
Qəzzada məcburi köçkünlük, su və dərman çatışmazlığı humanitar vəziyyəti ağırlaşdırır; BMT Təhlükəsizlik Şurasına təqdim olunan hesabat HƏMAS-ın silahsızlanmaqdan imtina etməsini əsas maneə kimi göstərir.
Sülh Şurasının rəsmi saytı istifadəyə verilib
Sülh Şurasının saytı istifadəyə verilib
7 milyard ABŞ dolları məbləğində Qəzzaya dair maliyyə layihəsində Azərbaycanın iştirakı nəzərdə tutulmur - Hikmət Hacıyev
Azərbaycan təsisçi üzv dövlət kimi Sülh Şurasının məqsəd və məramlarını dəstəkləyir. Gələcəkdə Azərbaycan tərəfindən Sülh Şurası vasitəsilə Qəzzada sərmayə layihələrində iştirak nəzərdən keçirilə bilər. Bu sözləri Azərbaycan Respublikası Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev özünün "X" sosial media hesabında yazıb.
Sülh Şurasının qətnaməsi yekdilliklə qəbul edilib
ABŞ Prezidenti Donald Tramp Sülh Şurasının sədri olaraq şuranın qətnaməsini imzalayıb. Sülh Şurasının üzvləri şuranın fəaliyyətini təmin edəcək maliyyə bütövlüyü və şəffaflıq prinsiplərini müəyyənləşdirən qətnaməyə səs veriblər. Qətnamə yekdilliklə qəbul edilib. Daha sonra liderlər ianə toplama öhdəliklərinə imza atan Donald Trampa qoşulublar.
