BAKI,VOA,Yusif Şərifzadə
Livan Prezidenti Cozef Aun ölkənin gələcəyi ilə bağlı açıqlama verib.
VOA xəbər verir ki, o Qətər, Fransa və Böyük Britaniyadan gələn nümayəndə heyətləri ilə görüşdən sonra paylaşım edib.
Aun bildirib ki, Livanda sabitlik Yaxın Şərq və Avropadakı sabitliklə birbaşa bağlıdır.
O qeyd edib ki, Livanın təhlükəsizliyi yalnız region üçün deyil, Avropa üçün də vacibdir.
Prezident ölkəyə göstərilən humanitar dəstəyi və orduya verilən yardımı yüksək qiymətləndirib.
Bununla belə, Aun vurğulayıb ki, Livanın əsas ehtiyacı yardımdan çox investisiyadır.
Onun sözlərinə görə, hazırda məqsəd həm xarici, həm də daxili etimadı bərpa etməkdir.
Aun Livanın iqtisadi və siyasi sabitliyinin gücləndirilməsinin vacibliyini qeyd edib.
