BAKI,VOA,Yusif Şərifzadə
Livan parlamentinin sədri Nəbih Berri İsrail və Hizbullah arasında 2024-cü ilin noyabrında əldə olunan atəşkəs razılaşmasının mövcud gərginliyin azaldılması üçün əsas imkan olduğunu bildirib.
VOA xəbər verir ki, Berri bu fikirləri Fransa Prezidenti Emmanuel Makronla telefon danışığı zamanı səsləndirib.
O qeyd edib ki, 2024-cü il razılaşması atəşkəsin sabitləşdirilməsi və mümkün pozuntuların qarşısının alınması üçün monitorinq mexanizmlərini özündə ehtiva edir.
Berri bildirib ki, həmin mexanizmlər regionda sabitliyin bərpası üçün real əsas yarada bilər.
O, həmçinin İsrail qoşunlarının beynəlxalq sərhədlərə çəkilməsinin, Livan ordusunun bölgədə yerləşdirilməsinin və köçkünlərin evlərinə qayıdışının vacibliyini vurğulayıb.
Fransa Prezidenti Emmanuel Makron isə Livanın sabitliyi və suverenliyinin qorunmasının vacibliyini diqqətə çatdırıb.
