BAKI,VOA,Yusif Şərifzadə
İsrail ordusu Livanın cənubunda Hizbullah üzvlərinə qarşı hava və quru əməliyyatı həyata keçirdiyini açıqlayıb.
VOA xəbər verir ki, İsrail hərbi qüvvələri Ali əl-Taher bölgəsində iki Hizbullah döyüşçüsünün hədəfə alındığını bildirib.
Ordunun yaydığı bəyanata görə, həmin şəxslər İsrailin “təhlükəsizlik zonası” yaxınlığında yerləşərək İsrail əsgərləri üçün “bilavasitə təhlükə” yaradırdı.
İsrail tərəfi əməliyyatın kəşfiyyat məlumatlarından dərhal sonra həyata keçirildiyini qeyd edib.
Bəyanatda həmçinin hava və quru qüvvələrinin birgə zərbəsi ilə “təhlükənin aradan qaldırıldığı” bildirilib.
İsrail ordusu regionda “bilavasitə təhlükələrin aradan qaldırılması üçün əməliyyatları davam etdirəcəyini” açıqlayıb.
