BAKI,VOA,Yusif Şərifzadə
Ərəb Körfəz Əməkdaşlıq Şurası (GCC) baş katibi Casim Məhəmməd əl-Budeyvi İranın Bəhreyn, Küveyt və İordaniyaya qarşı həyata keçirdiyi hücumları pisləyib. Hücumlar infrastruktur obyektlərinə və hərbi personalın olduğu yerlərə yönəlmişdi, Küveyt ordusunun hərbçiləri yaralanıb.
VOA xəbər verir ki, əl-Budeyvi açıqlamasında İranın regionu daha da xaosa və qeyri-sabitliyə sürükləmək istədiyini bildirib. O, infrastruktur obyektlərinə hücumları “dəhşətli eskalasiya” adlandıraraq, beynəlxalq ictimaiyyəti səssiz qalmamağa çağırıb.
Baş katib bildirib ki, bu hücumlar regional təhlükəsizlik üçün misli görünməmiş təhdid yaradır və İran beynəlxalq normaları nəzərə almır.
Albudaivi beynəlxalq ictimaiyyəti konkret sanksiyalar və tədbirlər görməyə, hücumları dayandırmağa və məsuliyyət daşıyanları cavabdeh tutmağa çağırıb.
O, GCC-nin Bəhreyn, Küveyt və İordaniyaya həmrəylik nümayiş etdirdiyini və onların təhlükəsizlik, suverenlik və ərazi bütövlüyünü qorumaq üçün atdıqları addımları dəstəklədiyini vurğulayıb.
