Livan baş naziri İranın Bəhreynə hücumlarını pisləyib

Livanın Baş naziri Nəvvaf Salam İranın Bəhreynə qarşı hücumlarını pisləyib. O, Bəhreyn vəliəhdi ilə telefon danışığında Livanın bu ölkənin təhlükəsizliyini və suverenliyini dəstəklədiyini bildirib. Livan hökuməti dövlətlərin ərazi bütövlüyünə hörmət edilməsinin vacibliyini vurğulayıb. Açıqlama Körfəz regionunda artan gərginlik fonunda verilib. Bəhreyn son günlər hücumlara məruz qaldığını açıqlayıb. Region ölkələri təhlükəsizlik tədbirlərini gücləndirir.

21 İyul 2026 19:54

BAKI,VOA,Yusif Şərifzadə

Livanın Baş naziri Nəvaf Salam İranın Bəhreynə qarşı həyata keçirdiyi hücumları pisləyib və ölkəsinin Bəhreynin təhlükəsizliyi və suverenliyini dəstəklədiyini bildirib.

VOA xəbər verir ki, Livanın Baş naziri Nəvaf Salam Bəhreyn vəliəhdi, Baş nazir Salman bin Həməd bin İsa Əl-Xəlifə ilə telefon danışığı aparıb. Danışıq zamanı Livan hökumət başçısı Bəhreynə qarşı davam edən İran hücumlarını qınadığını ifadə edib.

Livan Baş Nazirliyinin yaydığı açıqlamada Nəvvaf Salamın ölkəsinin Bəhreynin təhlükəsizliyinin və suverenliyinin qorunmasına dəstəyini təsdiqlədiyi bildirilib.

Livan rəhbərliyi Bəhreynlə həmrəylik nümayiş etdirərək, dövlətlərin ərazi bütövlüyünə və təhlükəsizliyinə hörmət edilməsinin vacibliyini vurğulayıb.

Bəyanat regionda artan hərbi gərginlik fonunda verilib. Son günlər Körfəz ölkələri İran tərəfindən həyata keçirildiyi bildirilən hücumlarla bağlı narahatlıqlarını açıqlayıb.