Bakı,AzerVoce
ABŞ İraqı minimum itkilərlə tərk etməlidir,AzerVoice xəbər verir ki, bunu İraqın Bədr siyasi blokuna mənsub İraq parlamentinin üzvü Muin al-Kazimi deyib.
O qeyd edib ki , ABŞ və xarici qoşunların İraqdan tez bir zamanda çıxarılmasını zəruri edən bir çox səbəb var.
“İraq Silahlı Qüvvələrin Ali Baş Komandanı tərəfindən İraqda xarici hərbçilərin olması ilə bağlı əsaslandırmaların sona çatması ilə bağlı ciddi bəyanatlar səslənib. Hazırda İraq ordusu, federal polis, Xalq Səfərbərlik Qüvvələri , terrorla mübarizə bölmələri və peşmərgə İraqdakı torpaqlara nəzarət etmək gücündədir. Əvvəlki dövrün təcrübəsi sübut etdi ki, əraziləri azad edən və İŞİD-in (həmçinin “İslam Dövləti” kimi tanına) gücünü qıran İraqın səyi olub. Buna görə də beynəlxalq koalisiyanın İraq torpağında olmasına ehtiyac yoxdur”-deyə o bildiirb.
Kazimi hesab edir ki, ABŞ qüvvələrinin mövcudluğu həm də İraq daxilində xarici varlığı rədd edən müqavimət qrupları ilə toqquşmalara səbəb olur.
“Amerikalıların İraqdan çıxarılması bu əsaslandırmalara son qoyacaq və İraqı son vaxtlar baş verən toqquşmalardan xilas edəcək”-deyə o əlavə dib.
İraqlı deputat həmçinin ABŞ-ın İraqdakı hərbi mövcudluğunu dayandırmasının öz maraqlarına uyğun olacağının bir neçə səbəbini də göstərib.
Məlumat üçün bildirək ki , yanvarın 27-də Bağdad və Vaşinqtonda ABŞ-ın İraqdakı qoşunlarına dair danışıqların birinci raundu keçirilib.
Təxminən 2 min 500 ABŞ əsgəri hələ də 2014-cü ildə İŞİD-ə qarşı yaradılmış beynəlxalq koalisiyasının bir hissəsi olaraq İraqda yerləşir.
