İsrailin Qəzza planı qəbuledilməzdir - Fidan

TBMM sədri Numan Kurtulmuşun sədrliyi ilə toplanan fövqəladə iclasda nazir Hakan Fidan, İsrailin Qəzzada törətdiyi vəhşilikləri “bəşər tarixinin qaranlıq səhifəsi” kimi qiymətləndirib. Fidan, “İsrailin Fələstində, xüsusən Qəzzada ehtiyatsız hücumları davam edərsə, bu, təkcə fələstinlilərə deyil, bütün bölgəyə təsir edəcək,” – deyə bildirib. Nazir, Fələstinlilərin Qəzzadan deportasiyasını nəzərdə tutan planı qəbul etmədiklərini vurğulayaraq, “Kimin təklif etməsindən asılı olmayaraq, bu plan bizim üçün etibarsızdır,” – deyib. O, Türkiyənin İsraillə ticarəti tamamilə dayandırdığını, türk gəmilərinin İsrail limanlarına getməsinə və İsrail təyyarələrinin Türk hava məkanına daxil olmasına icazə verilmədiyini açıqlayıb.

29 Avqust 2025 17:15

BAKI, AzerVoice, Nərmin Ağayeva

Türkiyə Xarici İşlər Naziri Hakan Fidan, Türkiyə Böyük Millət MəclisiNİN (TBMM) Qəzza məsələsi ilə bağlı keçirdiyi fövqəladə iclasda İsrailin işğal planını “etibarsız” adlandıraraq, Qəzzadakı soyqırımın bütün bölgəni alovlandıracağını xəbərdar edib.

AzerVoice xəbər verir ki, TBMM sədri Numan Kurtulmuşun sədrliyi ilə toplanan fövqəladə iclasda nazir Hakan Fidan, İsrailin Qəzzada törətdiyi vəhşilikləri “bəşər tarixinin qaranlıq səhifəsi” kimi qiymətləndirib. Fidan, “İsrailin Fələstində, xüsusən Qəzzada ehtiyatsız hücumları davam edərsə, bu, təkcə fələstinlilərə deyil, bütün bölgəyə təsir edəcək,” – deyə bildirib.

Nazir, Fələstinlilərin Qəzzadan deportasiyasını nəzərdə tutan planı qəbul etmədiklərini vurğulayaraq, “Kimin təklif etməsindən asılı olmayaraq, bu plan bizim üçün etibarsızdır,” – deyib. O, Türkiyənin İsraillə ticarəti tamamilə dayandırdığını, türk gəmilərinin İsrail limanlarına getməsinə və İsrail təyyarələrinin Türk hava məkanına daxil olmasına icazə verilmədiyini açıqlayıb.

Fidan, Fələstin müqavimətinin tarixin axarını dəyişəcəyini və “çürümüş nizamın əsaslarını sarsıdacağını” qeyd edərək, Suriyanın icmalarının da İsrailin məqsədləri üçün istismar edilməsinə qarşı olduqlarını bildirib.