Bakı. AzerVoice:
ABŞ İran rejiminin insanları öz insan haqlarından istifadə etdiklərinə görə cəzalandırmaq üçün ölüm hökmündən istifadə etməsini pisləyir.
AzerVoice xəbər verir ki, bu barədə ABŞ Dövlət Departamentinin mətbuat katibinin birinci müavini Vedant Patel brifinq zamanı bildirib.
"Bizə işgəncələr, zorla etiraf ifadələri və vəkillərə məhdudiyyətlər barədə məlumatlar gəlir. Hesab edirik ki, bütün bunlar İran məhkəmələrinin çıxardığı qərarlara olan inamı ən kiçik dərəcədə də sarsıdır. ABŞ regiondakı müttəfiqlərimiz və tərəfdaşlarımızla sıx koordinasiyada görünən və görünməyən praktiki yollarla İran xalqına dəstək üçün tədbirlər görməyə davam edəcək", - deyə o bildirib.
İran rejiminin zərərli fəaliyyətlərinə, o cümlədən öz xalqına qarşı repressiyalara görə məsuliyyətə cəlb olunmasına gəlincə, V.Patel ABŞ tərəddüd etmədən tədbirlər görəcək.
"Bizim bununla bağlı kifayət qədər təcrübəmiz var", - deyə o əlavə edib.
Qeyd edək ki, yanvarın 23-də İranda 2022-ci ildə ölkədə baş verən kütləvi nümayişlər zamanı yerli məmur Fərid Karampur Həsənvəndin məqsədyönlü şəkildə öldürülməsində iddia olunan roluna görə ruhi xəstə olan etirazçı Məhəmməd Qobadlunun edam edilməsi barədə məlumat verilib.
"Mizan" Xəbər Agentliyi bildirib ki, 487 günlük məhkəmə araşdırmasından sonra Fərid Kərəmpur Həsənvəndi qəsdən öldürməkdə təqsirli bilinən Məhəmməd Qobadlunun edam hökmü icra edilib.
