Bakı,AzerVoice
Yunanıstan Zəlzələ ilə Mübarizə Agentliyinin (OASP) rəhbəri
Efthimios Lekkas Santorini və Yamurgi adaları arasında seysmik
aktivliyin uzun müddət davam edəcəyini və daha böyük zəlzələ
riskinin mövcud olduğunu bildirib.
AzerVoice xəbər verir ki, Lekkas Afina şəhərində verdiyi açıqlamada, bu prosesin həftələr, hətta aylarla davam edə biləcəyini və asanlıqla bitməyəcəyini vurğulayıb.
O, Santorini adasında son 30 ildə plansız və qeyri-qanuni tikintilərin artdığını və bunun böyük təhlükə yaratdığını qeyd edib. Adanın vulkan püskürmələri, zəlzələlər və eroziya kimi təbii proseslər nəticəsində formalaşdığını bildirən Lekkas, insan müdaxiləsinin bu proseslərin fəlakətə çevrilməsinə səbəb ola biləcəyini qeyd edib.
