BAKI,
AzerVoice
ABŞ prezidenti Donald Tramp Avropa İttifaqını (Aİ) Ukraynanı
dəstəkləyərkən eyni zamanda Rusiyadan neft və qaz almaqda ittiham
edib.
AzerVoice xəbər verir ki, Tramp Truth Social hesabında paylaşım edərək Aİ-nin Ukrayna müharibəsində mövqeyini tənqid edib.
"Avropa Rusiyadan neft və qaz almağa, Ukraynanı müdafiə etmək üçün xərclədiyindən daha çox pul xərcləyib." - deyə o bildirib.
Bu açıqlamalar Tramp və Ukrayna prezidenti Volodimir Zelenski arasında Oval kabinetdə fevralın 28-də baş verən gərgin mübahisənin ardından gəlib.
Xatırladaq ki, Fevralın 28-də Tramp və Zelenski Oval kabinetdə mübahisə ediblər. Tramp Ukrayna liderinin mövqeyini tənqid edib, Zelenski isə ölkəsinə dəstək gözlədiyini bildirib. Görüşdən sonra Zelenski Ağ Evi tərk edib.
Trampın bu tənqidləri Aİ-nin Ukraynaya dəstək siyasətinə və Rusiyaya qarşı iqtisadi münasibətlərinə dair suallar yaradıb.
