Bakı, AzerVoice
ABŞ-ın qərb ştatlarında 94 müxtəlif bölgəni əhatə edən meşə yanğını nəticəsində 843 min hektardan çox meşə sahəsi məhv olub.
AzerVoice xəbər verir ki, bu barədə Ağ Evin X sosial media hesabında paylaşım edilib.
Paylaşımda, ABŞ rəhbərliyinin yanğının söndürülməsi üçün resurslarını səfərbər etdiyi açıqlanıb.
Məlumat üçün qeyd edək ki, Oreqon ştatının şərqində 117 min hektar ərazini məhv edən “Durkee Yanğını”na milli qvardiya göndərilsə də, yanğının yalnız 49 faizi nəzarət altına alınıb.
İyulun 21-dən Yuta ştatında 88 yeni yanğın başlasa da, onların 44 faizinin insan faktoru olduğu qeydə alınıb.
Bildirək ki, ölkə daxilində yanğınlarla mübarizə üçün 27 mindən çox yanğınsöndürən və yardımçı heyət ayrılıb.
Hafiz Rufizoğlu
