Bakı, AzerVoice

İngiltərədəki son zorakılıq hadisələri ədliyyə sisteminin ciddi şəkildə sorğulanmasına səbəb olub.

AzerVoice xəbər verir ki, İngiltərənin Daxili İşlər Naziri Yvette Cooper sosial mediada yayılan dezinformasiyanın zorakılığa səbəb olduğunu vurğulayıb. O, saxta xəbərlərin yayılmasının qarşısını almaq üçün sosial media şirkətlərində yoxlamaların arta biləcəyini bildirib.

Son günlərdə İngiltərə küçələri sağçı ekstremistlərin zorakı hərəkətləri ilə bir-birinə qarışıb. Bu hadisələr sosial mediada ədliyyə sistemi ilə bağlı müzakirələrə səbəb olub.

Hadisələr Southportda üç qızın bıçaqlanması ilə daha da pik həddə çatdı.

İngiltərədə saxta xəbər başladan şəxs məsuliyyətə cəlb edilib

Belə ki, hücum edənin müsəlman gənc olması ilə bağlı yalan sosial şəbəkədə yayıldı. Daha sonra hadisənin dezinformasiya olduğu ortaya çıxsa da, ölkədəki ifrat sağçı ekstremistlər günlərlə küçələrdə terror törətdilər.

Belə ki, bu hadisələr İngiltərə tarixində 2011-ci ildən bəri baş vermiş ən böyük küçə toqquşmaları hesab edilir. 700-dən çox adam saxlanılıb, həbs edilənlərin sayı isə 350 nəfəri ötüb.

Daxili işlər naziri İvette Kuper, ictimaiyyətin artıq polis və qanuna qarşı hörmət göstərmədiyini, sosial mediada yayılan dezinformasiyanın isə bu zorakılığa daha da təkan verdiyini vurğulayıb.

Britaniyalı nazir saxta xəbərlərin yayılmasının qarşısını almaq üçün sosial media şirkətləri üçün qaydaların sərtləşdirilə biləcəyi ehtimalını açıqlayıb.

Britaniyanın ədliyyə naziri Şabana Mahmud isə bildirib ki, bu zorakılıq hadisələri onsuz da pis vəziyyətdə olan ədliyyə sistemini daha da gözdən salacaq.